Parathënie

Kursi i Diplomës në Teologji përfshin të gjitha temat kryesore të Biblës së Shenjtë. Pasi ta ketë përfunduar kursin, studentit i kërkohet të dorëzojë një tezë prej 20,000 fjalësh. Ju lutemi të kontaktoni ndihmës-mësuesin tuaj lidhur me temën e tezës, që keni ndërmend të shkruani. Gjithashtu, tre prej këtyre moduleve (kapitujve) do të kryhen nën mbikqyrjen e një personi tjetër (ndihmës-mësuesi juaj do t’ju japë më tepër këshilla për këtë aspekt të kursit).

Pasi ta mbaroni çdo modul (apo kapitull), dërgojuani ndihmës-mësuesit tuaj për ta korrigjuar dhe për t’ju vënë notën dhe ai do t’jua kthejë përsëri, sa më shpejt që të jetë e mundur. Detajet mbi ndihmës-mësuesin tuaj do t’i gjeni në kapakun e kësaj broshure. Mos ngurroni ta kontaktoni atë, nëse keni nevojë për ndihmë apo keni pyetje lidhur me këtë kurs.

Ju lutemi, mos u stresoni, por përfundojeni këtë kurs në afatin që dëshironi, sepse nuk ju kërkohet që të nxitoheni dhe ta mbaroni sa më shpejt. Lutemi që ky kurs t’ju bekojë, t’ju inkurajojë dhe t’ju ngrerë moralisht (shpirtërisht), ndërkohë që synoni të dini më shumë rreth Fjalës së Perëndisë.

Moduli 1

Parathënie e Dhiatës së Vjetër

Pyetje të detyrueshme

1. Jepni mendimin tuaj lidhur me të frymëzuarit e Biblës dhe të autoritetit të saj. Ç’vrojtime mund të bëni lidhur me ndikimin e Biblës në botë?

2. Ç’kuptim ka rrënja e fjalës “Kanun”? Ç’rëndësi e ç’vlerë merr kjo fjalë kur përdoret në vend të shprehjes “librat e Biblës”? Në ç’kategori ndahen librat e Biblës hebrenje?

3. A e shkroi me të vërtetë Moisiu Pentatukun (5 librat e parë të Biblës), apo mos vallë Pentatuku ka shumë autorë të tjerë? Nëse e pranoni se Moisiu është autori i pesë librave të parë të Dhiatës së Vjetër, atëherë jepni arsyet tuaja për këtë fakt. 

Mund të zgjidhni shtatë pyetje prej pyetjeve të mëposhtme:

4. Bëni një analizë të hollësishme të tre prej pesë librave të Moisiut. 

5. Bëni një vlerësim të punës së Moisiut si Burrë Shteti, si Profet dhe si Dhënës i Ligjit.

6. Diskutoni shpjegimet që janë bërë lidhur me njërën prej këtyre temave: “Dhjetë Plagët” (“Dhjetë Ndëshkimet e Perëndisë kundër Egjiptit”) ose “Kalimi i Detit të Kuq”.

7. Përshkruani karakteristikat kryesore të Fesë së Patrikëve (Themeluesve të Besimit), duke iu referuar sidomos Abrahamit.

8. Përshkruani karakteristikat kryesore të Udhëheqësve, të njohur me emrin “Gjyqtarët”. Jepni një përmbledhje të detajuar të dy prej këtyre figurave, dhe pasi të lexoni jetën e tyre, mund të shtoni edhe ndonjë kritikim që mendoni se është i arsyeshlëm për t’u bërë. 

9. Bëni një përmbledhje të shkurtër të ngjarjeve që çuan në themelimin e Monarkisë dhe tregoni rolin që luajti profeti Samuel në këto ngjarje.

10. Bëni një përmbledhje të sukseseve dhe përshkruani karakterin e njërit prej këtyre figurave: Saulit ose Davidit.

11. Përshkruani arkitekturën dhe rëndësinë fetare të Tempullit të Solomonit.

12. Tregoni qartë se ç’lidhje ka mësimi i Amosit dhe Oseas me kushtet e jetës së Izraelit, në kohën kur shërbyen këta profetë.

13. Jepni arsyet tuaja lidhur me dobësimin dhe rënien e Mbretërisë Veriore dhe tregoni arsyen se përse Mbretëria Jugore pati jetë më të gjatë sesa fqinja e saj.

14. Ç’dini rreth Reformimit (apo Reformave) të nisur qoftë nga Ezekiah, qoftë nga Jozia?

15. Pse është përshkruar Jeremia si profeti më shpirtëror nga të gjithë profetët e Dhiatës së Vjetër? A jeni dakort ju me këtë thënie? Ç’krahasim do të bënit ju mes Jeremias dhe Isaias?

16. Përshkruani kushtet nën të cilat jetuan të dëbuarit (të syrgjynosurit) e Izraelit, gjatë qëndrimit të tyre në Babiloni. A e shikoni ju këtë periudhë si një periudhë parapërgatitore për ardhjen e Mesias?

17. Me sa të keni mundësi, jepni një strukturë të jetës së Ezekielit. Tregoni konturet, mbi të cilat e bazua mesazhi i tij.

18. Ç’kuptim kanë vargjet, që flasin për “Shërbëtorin” tek Isaia 40-66? Diskutoni.

19. Diskutoni rolin që luajti, si Esra, ashtu edhe Nehemia, në kthimin e Izraelitëve prej Babilonisë.

20. Jepni leksion të shkurtër për të treguar mesazhin e autorit Jona.

Mbrapa