Moduli 2

Parathënie e Dhiatës së Re

Pyetje të detyrueshme

1. Bëni një përmbledhje të jetës së Zotit Jezus Krisht, nga lindja e Tij deri tek ngritja në Qiell.

2. A mund t’i emëroni të shtatë temat kryesore, që gjenden në mësimin e Zotit Jezus Krisht? Çfarë na thotë Ai lidhur me Frymën e Shenjtë dhe me Ardhjen e Tij të Dytë në tokë?

3. Shkruani një përmbledhje të Librit të Veprave të Apostujve. Çfarë dini ju rreth autorit të këtij libri? Shkruani ato që thotë Libri i Veprave të Apostujve lidhur me a) Lutjen, b) Kurajon gjatë persekutimit, c) Vëllazërinë e besimtarëve.

4. Jepni një përmbledhje të shkurtër të jetës dhe udhëtimeve misionare të Apostullit Pal. Vizatoni një hartë të këtyre udhëtimeve me emrat e çdo vendi që vizitoi ai.

Mund të zgjidhni gjashtë prej pyetjeve të mëposhtme: 

5. Jepni një përmbledhje të shkurtër të Ungjijve sipas Mateut dhe Lukës. A është e drejtë të thuhet se temat kryesore të Ungjillit sipas Lukës “përmenden në dy kapitujt e parë të librit”? Cilat janë këto tema?

6. Ç’mësojmë prej Ungjillit të katërt, atij sipas Gjonit, birit të Zebedeut? Ç’të dhëna egzistojnë që tregojnë se ai vetë ishte autori i librit?

7. Cili është, sipas jush, qëllimi kryesor i letrave të Palit?

8. Zakonisht, ç’emër iu jepet tre letrave të grupit të fundit të shkrimeve të Palit, d.m.th. 1 dhe 2 Timoteut dhe libri i Titit? Bëni një përmbledhje të jetës së Timoteut dhe të Titit.

9. Emëroni të gjitha letrat Katolike (ose Universale). Çfarë dini rreth Jakobit dhe Judës?

10. A e shkroi Pali letrën drejtuar Hebrenjve? Jepni arsyet tuaja në favor ose kundër autorësisë së Palit lidhur me këtë letër. Sipas jush, cila është tema kryesore e autorit?

11. Cilat ishin rreziqet e ndryshme, ndaj të cilave i paralajmëroi Pjetri lexuesit e tij? Krahasojini ato me rreziqet që i kërcënojnë sot Kishën dhe besimtarin individual.

12. Letra e Palit drejtuar kishës në Romë është përshkruar si një kryevepër teologjike. A jeni dakort ju me këtë përshkrim të kësaj letre? Tregoni arsyen pse. Bëni një skicë të tre doktinave që paraqiten në letër prej Palit. 

13. Bëni një skicë të arsyeve se përse i shkroi Pali letrat drejtuar Galatasve dhe Kolosianëve.

14. Ç’mësime jep Pali rreth Ardhjes së Zotit Jezus Krisht tek 1 dhe 2 Thesalonikasve?

15. Bëni një skicë të mësimeve të Palit tek 1 Korintasve, lidhur me a) Darkën e Zotit, b) Dhuratat shpirtërore, c) Ringjalljen.

16. Shkruani shkurtimisht ca fjalë mbi Onesimin dhe Filemonin.

17. Shkruani me jo më shumë se 300 fjalë një parathënie të shkurtër të Librit të Zbulesës.

Mbrapa