Moduli 6

Teologjia Sistematike

Pyetje të detyrueshme

1. Sipas mendimit tuaj, a duhet që kredove të besimit të krishterë t’iu jepet i njëjti autoritet si edhe autoriteti, që iu jepet fjalëve të Biblës, kur vejn puna për të përcaktuar çështje të doktrinës së krishterë? Jepni arsyet tuaja dhe shpjegoni qartë marrëdhënien, që egziston mes kredove të besimit dhe Biblës.

2. Shkruani një listë të detajuar të atributeve (ose tipareve) të Zakonshme dhe Morale të Perëndisë. Ç’do të thotë shprehjet “Gjithëprania” dhe “Plotfuqishmëria” e personit të Perëndisë?

3. Bëni një përmbledhje të asaj që thotë Bibla, lidhur me Zotin Jezus Krisht si Perëndi. Vërtetojeni nga Bibla se Zoti ynë lindi prej një virgjëreshe.

4. Shkruani shkurtimisht mbi temat e mëposhtme:
a. Gjendja e përjetshme e të Çliruarve (ose e të Shpëtuarve).
b. Gjendja e përjetshme e atyre që nuk pendohen.

5. Shkruani shkurtimisht mbi temat e mëposhtme:
a. Besimi që të shpëton.
b. Justifikimi
c. Rilindja
d. Shlyerja
e. Pajtimi

6. Cilat janë parimet themelore, në të cilat bazohet prezantimi shpirtëror i Doktrinës së Shenjtërimit?

7. A do të dobësohej më shumë Kisha e Zotit Jezus Krisht, po qe se do të pushonin së egzistuari ritet e Pagëzimit dhe të Darkës së Zotit? Jepni ca arsye se përse i neglizhojnë disa të krishterë këto rite. 

8. Disa “teologë liberalë” deklarojnë se Ardhja e Dytë e Zotit tonë ndodhi atëherë, kur Fryma e Shenjtë erdhi në botë ditën e Pentikostit. Si mendoni ju, është e drejtë kjo ide, apo jo? Ilustrojeni përgjigjen tuaj me arsye nga Bibla.

Mund të zgjidhni pesë nga pyetjet e mëposhtme:

9. Bëni një analizë të temave të mëposhtme:
a. Të frymëzuarit e Biblës
b. Zbulimi i Biblës
c. Ligji (Kanuni) i Biblës

10. Sapo ju ka trokitur në derë një nga anëtarët e “Dëshmitarëve të Jehovait” dhe ju ka bërë sfidë, që t’ia vërtetoni Doktrinën e Trinitetit me vargje nga Bibla. Shkruani me qartësi se si do t’i përgjigjeni ju atij/asaj. Bazojeni përgjigjen tuaj tek Bibla.

11. Cili person, ose cilët persona të Trinitetit të shenjtë ishin përgjegjës për veprimet e Krijimit? Diskutojeni me hollësi këtë çështje.

12. A ishte absolutisht e domosdoshme vdekja e Zotit Jezus Krisht për shpëtimin e njerëzimit? A mendoni se ka ndonjë rrugë tjetër çlirimi për njerëzimin? Jepni arsyen për përgjigjen tuaj.

13. Ringjallja e Zotit Jezus Krisht është quajtur “mrekullia më e madhe në Bibël”. Jepni arsye nga Bibla, që tregojnë se kjo thënie është e vërtetë.

14. Si mund ta vërtetoni nga ana biblike se Fryma e Shenjtë është një person dhe jo thjesht një influencë?

15. A funksionon sot Fryma e Shenjtë, po aq sa ç’funksionoi edhe gjatë kohës së apostujve? Në ç’obzervime biblike mund ta bazoni përgjigjen tuaj?

16. A egziston ndonjë autoritet biblik, që të thotë se disa njerëz janë të pridestinuar me Dënim të Përjetshëm? Si e kanë trajtuar teologët e ndryshëm të krishterë këtë temë?

17. Sipas jush, a është i pavdekshëm çdo shpirt? Mbi ç’bazë biblike e bazoni ju këtë mendim? Ç’vlerë ka sakrifica e Zotit Jezus Krisht për shpirtin e të krishterit, që largohet nga kjo botë?

18. Sipas mendimit tuaj, cila është pika më kulmore e historisë botërore?

19. Ç’mendim keni ju për Ardhjen e Dytë e Krishtit: a është ajo një ngjarje e vetme, apo ndodh në dy faza të ndara veças nga njëra-tjetra? Bazojeni përgjigjen tuaj me arsye nga Bibla.

20. Sipas mendimit tuaj, a do të ketë vetëm një gjykim të përgjithshëm të njerëzimit, kur t’i vijë fundi çdo gjëje, apo Perëndia do ta gjykojë njerëzimin në mënyra të ndryshme? Bazojeni përgjigjen tuaj me arsye nga Bibla.

Mbrapa