Moduli 7

Ardhja e Dytë e Krishtit

Pyetje të detyrueshme:

1. Lexoni kapitullin 21 të Lukës. Biseda e Krishtit në këtë kapitull është si përgjigje ndaj dy pyetjeve të dishepujve të Tij (shiko më tej Mateu 24:3).
a) Kur do të shkatërrohej tempulli në Jeruzalem?
b) Kur do të kthehej Krishti dhe kur do t’i vinte fundi epokës së tanishme?
c) Në mënyrë kronologjike, bëni një listë të ngjarjeve në kapitullin 21 të Lukës, nga ngritja e Krishtit në Qiell e deri tek ardhja e Tij.

2.Lexoni kapitullin 2 të Danielit. Ky kapitull përfshin gjithë periudhën e sundimit pagan, nga koha e Nebukadnesarit deri tek kthimi i Krishtit. Cilat janë katër Fuqitë Pagane, të cilave iu referohet autori në vargjet 38-40? Si e kuptoni ju shprehjen “Mbretëri e Ndarë” në vargjet 41-43? Jepni me përafërsi datat e fillimit të secilës prej pesë mbretërive, që përmenden në kapitull, d.m.th. të mbretërisë prej ari, argjendi, bronxi, hekuri, dhe asaj pjesërisht prej hekuri dhe pjesërisht prej argjile.

3.Një nga shenjat dalluese të Ditëve të Fundit do të jetë largimi nga besimi i vërtetë (2 Timoteut 4:3-4, 1 Timoteut 4:1-2, Luka 18:8, etj.). Përdorni Mateun 24:23-31, si edhe ndonjë varg tjetër të përshtatshëm biblik, për të shpjeguar se si mund të mashtrohen besimtarët dhe se cili është kundërhelmi (ilaçi) kundër mashtrimit.

4.a) Lexoni 1 Thesalonikasve 4:13-18. Përshkruani me fjalët tuaja se ç’na mësojnë këto vargje lidhur me Marrjen e Kishës në Qiell.
b) Diskutoni shkurtimisht rreth pikëpamjeve të mëposhtme, duke patur parasysh përgjigjen tuaj më lart (4a):
i. Amilenializmi (Krishti nuk do të mbretërojë fare për 1000 vjet në tokë. Ky mbretërim ka kohë që ka përfunduar)
ii. Postmilenializmi (Krishti do të mbretërojë për 1000 vjet në tokë, pasi Kisha të jetë larguar në Qiell)
iii. Pre-milenializmi (Krishti po mbretëron aktualisht në tokë)

5.Lexoni Ezekielin 37. Ky kapitull bën fjalë për të ardhmen e Izraelit, jo atë të kishës (shiko vargun 11). Sipas jush, ç’rëndësi ka themelimi i shtetit të Izraelit në 1948, nën dritën e këtyre vargjeve? Ç’kuptim kanë këto vargje për ata që kanë mbetur gjallë pas Holokaustit? A besoni ju se këto vargje mund të kenë lidhje me fundin e “Kohës së Paganëve”? 

Mund të zgjidhni pesë prej pyetjeve të mëposhtme:

6.Lexoni Luka 17-26-30. Cilat ishin karakteristikat e shoqërisë në ditët e Noeut dhe të Lotit dhe si krahasohen këto karakteristika me ato të ditëve të sotme?

7.Lexoni 2 Timoteut 3:1-13. Sipas këtyre vargjeve, cilat janë shenjat dalluese të ditëve të fundit? A i shikoni këto shenja të vëna në zbatim në shoqërinë tonë të sotme?

8. Lexoni 2 Thesalonikasve 2:1-12. Sipas apostullit Pal, cilat janë ato dy ngjarje, që duhet të ndodhin para se të vijë Krishti?

9. Duke përdorur të njëjtat vargje biblike (si më lart), shpjegoni, sipas mendimit tuaj, se për kë po shkruante Pali tek vargjet 6 dhe 7, kur tha: “e dini atë që e ndalon atë” dhe “duke pritur vetëm që të hiqet nga mesi”. Egzistojnë tre pikëpamje:
a) Fryma e Shenjtë
b) Kisha
c) Perandorët romakë

10. Lexoni Luka 21-24-33. Vargu 24 bën fjalë për fundin e sigurtë të “Kohës së Paganëve”, që filloi në ditët e Nebukadnesarit. Sipas jush:
a) A iu ka ardhur fundi këtyre “kohëve”? Jepni arsyet tuaja, si për një përgjigje pozitive të kësaj pyetjeje, ashtu edhe për atë negative. 
b) Ç’kuptim ka fjala “brez” tek vargu 32 dhe ç’lidhje ka kjo me përgjigjen tuaj tek pika a?

11. Lexoni 1 Korintasve 15:50-58. Ç’na mësojnë këto vargje lidhur me besimtarët, që janë gjallë, kur të kthehet Krishti? A bie dakort 1 Gjonit 3:1-3 me këtë varg?

12. Lexoni Zbulesa 19:5-20:6. Në çfarë mënyre hedhin dritë këto vargje mbi Marrjen e Kishës në Qiell, Shtrëngimin dhe Mijëvjeçarin?

13. Lexoni kapitujt 2-3 të Zbulesës. Këto letra janë letra të vërteta, të drejtuara kishave në kohën e apostullit Gjon. Por, a mund të konsiderohen ato gjithashtu, edhe si letra, që përshkruajnë shtatë periudha të caktuara të historisë së kishës?

14. Lexoni Danieli 9:24-27. 
a) Tregoni se si e japin me qartësi këto vargje datën e kryqëzimit të Jezusit. 
b) Si na ndihmojnë këto vargje (sidomos vargu 26), për të identifikuar “princin” e lig të ardhshëm (i cili njihet ndryshe me emrin Antikrisht)?
c) Futuristët besojnë se vargu 27 përshkruan shtatë vitet e fundit para ardhjes së Krishtit. Nëse mendoni edhe ju kështu, shpjegoni arsyen tuaj.

15. Lexoni Zbulesa 17. Ka shumë nga ata që besojnë se këto vargje përshkruajnë Kishën e Romës (Kishën Katolike). 
a) Cilat karakteristika të “kurvës së madhe” të këtyre vargjeve vihen re edhe në Kishën e Romës?
b) Tregoni se si këto tituj të papave janë “emra blasfemie” (vargu 3): ati i Shenjtë, Prifti Suprem (Më i Larti) dhe Përfaqësues i Krishtit. 
c) Ç’ndikim ka kjo “Nënë e lavirave” (vargu 5) mbi qeverinë e botës në ditët e fundit?

16. Lexoni Zbulesa 13. Ç’na tregon ky kapitull lidhur me kontrollin që do të ketë në Ditët e Fundit Antikrishti mbi:
a) Adhurimin universal
b) Tregtinë dhe Industrinë
c) Forcat e natyrës

17. Lexoni Veprat e Apostujve 1:6-8. Sipas jush, ç’ngjarje do të ndodhin para se Jezusi ta deklarojë hapur Veten si Mbret i Izraelit dhe cilat vargje tregojnë se pasardhësit e Abrahamit do të zënë përsëri vendin e tyre si kombi kryesor i Perëndisë? Nëse nuk besoni se Perëndia ka ndonjë plan për Izraelin si komb i kësaj toke, atëherë shpjegoni pyetjen e dishepujve dhe përgjigjen e Krishtit. 

Kapitujt e mëposhtëm janë për ata që synojnë të aplikojnë për akreditim të mëtejshëm prej Bashkësisë së Shërbesave Ungjillore. Të gjitha pyetjet janë të detyrueshme. 

Nëse nuk keni qëllim të aplikoni për akreditim të mëtejshëm, atëherë ju duhet që të shkruani vetëm një tezë prej 20000 fjalësh. Të gjitha citatet në tezën tuaj duhet të radhiten gjithashtu edhe në fund të çdo faqeje, në të cilën përmenden për herë të parë. Diskutojeni temën e tezës edhe me ndihmës-mësuesin tuaj.

Mbrapa